Чара программасы бай эчтәлекле иде
Чистайда тантаналы төстә 2026 елның мотосезонын яптылар. Әлеге вакыйга мотоберләшмәләрнең уннарча вәкилләрен, шәһәр халкын һәм кунакларны үзенә җыйды. Традиция буенча чараны үзәк урамнар буйлап баручы мотоколонна ачты, аннары ул үзәк мәйданда туктап торды.
Конкурслар, күргәзмәләр, рок-музыка
Төп вакыйга «Татнефть Олимп» стадионында җәелдерелде. Чара- ның программасы бай эчтәлекле иде. Тематик мотоконкурсларда катнашучылар фигуралы машина йөртүдә (джимханда) көч сынаштылар, янган газларның чыгу тавышын үлчәделәр һәм иң акрын һәм техник йөрүдә ярыштылар.
Шулай ук техника күргәзмәсе узды: барлык теләүчеләр заманча мотоциклларны якыннан карый алдылар, фотога төштеләр, бәйрәмдә катнашучылар өчен туклану зоналары эшләде һәм тере рок-музыка яңгырады.
Бүләкләү
Мотоциклчыларга һәм бәйрәм кунакларына муниципаль район башкарма комитеты җитәкчесе, юл хәрәкәте иминлеге буенча район комиссиясе рәисе Эдуард Хәсәнов мөрәҗәгать итте. Шунысын да билгеләп үтәргә кирәк, Эдуард Рөстәм улы мотохәрәкәтнең актив вәкиле һәм шәхсән үзе колоннаны җитәкләде.
Үзенең чыгышында ул сигез ай эчендә районда мототранспорт катнашында килеп чыккан аварияләргә йомгак ясады һәм байкерларга юл йөрү кагыйдәләрен үтәүләрен сорап мөрәҗәгать итте, юлларда бер-берләренә хөрмәт белән карауларын сорады.
Рәсми өлештә район башкарма комитеты «Free Riders.Чистополь» ирекле мотоберләшмәгә рәхмәт белдерде. Башкарма комитет җитәкчесе Эдуард Хәсәнов берләшмә вәкилләренә юл хәрәкәте иминлеген нәтиҗәле яктыртканнары, балаларның юл хәрәкәтләрендә имгәнүләрен кисәтү чаралары үткәрүнең югары дәрәҗәсе һәм актив гражданлык позициясе өчен Рәхмәт хатлары тапшырды.
Мотоберләшмә вәкилләре беренче чиратта район җитәкчелегенә әлеге бәйрәмне оештыруда төрле яклап булышулары, мотоколонна маршрутлары буенча иминлекне тәэмин итүдә ярдәм итүләре һәм яшьләр инициативаларын даими хуплаулары өчен ихластан рәхмәт белдерделәр.
Фото: муниципаль районның рәсми порталы
Нет комментариев