Чистай районы Исләй авылы халкы сугышчыларга маскировкалау челтәрләрен үрүне дәвам итә

Чистай районындагы зур булмаган Исләй авылы волонтерлары фронтка актив ярдәм итәләр. Клуб базасында җирле халык махсус хәрби операциядә катнашучы ир-егетләребез өчен маскировкалау челтәрләрен үрүне дәвам итә.

Һәр үрелгән челтәрдә – җиңүгә ышаныч. Шулай ук авыл халкы сугышчыларга даими рәвештә гуманитар ярдәм җыя, алар өчен чәк-чәк пешерә, үзләре җыйган үләннәр белән чәйләр әзерли.

Бердәм булганда гына без көчле. Без сугышчыларыбызга кулыбыздан килгәнчә ихластан ярдәм итәбез! Аларның җиңүенә һәм тизрәк туганнары һәм якыннары янына кайтуларына ышанабыз! – диләр авылда яшәүчеләр.

Фотолар Исләй авыл клубының социаль челтәрдәге битеннән алынды