Татарстанда тотрыклы антициклон йогынтысы саклана. Шуңа күрә республикада гадәттәгедән җылырак һәм коры һава торышы саклана, дип хәбәр итә ТР Гидрометеорология үзәге
Октябрьнең соңгы көннәре явым-төшемсез узачак. Төнлә һава температурасы +1 градустан -4 градуска кадәр төшәчәк, ә көньяк һәм көнчыгыш районнарда урыны белән -9 градуска кадәр суытачак. Көндез термометр баганасы +9…+14 градусны күрсәтәчәк.
1 ноябрь көнне дә, нигездә, коры һава торышы сакланачак. Төнлә температура +1…-4 градус тәшкил итәчәк, көньяк һәм көнчыгыш районнарда -7 градуска кадәр салкынайтуы ихтимал. Көндез һава +7…+12 градуска кадәр җылыначак.
2 ноябрьдә, атмосфера фронты якынлашу сәбәпле, республиканың кайбер урыннарында бераз яңгыр яварга ихтимал. Көндез һава температурасы +6 градуска кадәр төшәчәк.
Чыганак: Татар-информ
Нет комментариев