Евгений Столяров: «Дзюдо гаилә җепләрен ныгытырга ярдәм итә»

Бала һәм әни-әтиләр өчен уртак күнегүләр – бу хәрәкәт кенә түгел, ә тере элемтә, спортта уй-кичерешләреңне уртаклашу мөмкинлеге һәм балаң тормышының мөһим бер кисәкчегенә әверелү дә.

Чистайда гаилә дзюдосы яңа дәрәҗәгә чыкты! Бу юлы проектка бер шәһәр предприятиесе хезмәткәрләре кушылды. Үзләренең балалары белән алар эстафеталарда һәм конкурсларда катнаштылар.

Бала һәм әти-әни өчен уртак күнегүләр – бу хәрәкәт итү генә түгел, ә тере элемтә, спортта уй-кичерешләреңне уртаклашу һәм балаң тормышының мөһим бер кисәкчегенә әверелү дә. Мондый элемтәләр ышанычны ныгыта һәм аралашу шатлыгы бүләк итә.

«Әлеге чаралар дзюдоны спорт төре буларак кына пропагандаламый, гаилә җепләрен ныгытырга һәм сәламәт яшәү рәвешен алга сөрергә дә ярдәм итә», – дип билгеләп үтә чараны оештыручы, ТР дзюдо Федерациясе президиумы әгъзасы, «Батыр» көрәш спорт мәктәбе тренеры Евгений Столяров.