Җәмгыять

Татарстанда 2027 елга яшәү минимумы күләме расланды

Татарстан буенча 2027 елда яшәү минимумы күләме 17 193 сум тәшкил итәчәк

Татарстан Республикасы Хөкүмәте 2027 елга яшәү минимумы күләмен билгеләде. Тиешле карарны республика Премьер-министры Алексей Песошин имзалады.

 

Расланган документ нигезендә, тулаем Татарстан буенча 2027 елда яшәү минимумы күләме 17 193 сум тәшкил итәчәк. Хезмәткә яраклы халык өчен бу күрсәткеч – 18 740 сум, пенсионерлар өчен – 14 786 сум, балалар өчен 16 677 сум дәрәҗәсендә билгеләнгән.

 

Шунысын да билгеләп үтәргә кирәк, яшәү минимумы күләме социаль пособиеләр һәм түләүләр күләменә турыдан-туры йогынты ясый. Әлеге күрсәткеч ел саен раслана.

Чыганак: Татар-информ


Нет комментариев