Бүген без авыл хуҗалыгы һәм эшкәртү сәнәгате хезмәткәрләре көнен билгеләп үтәбез. Хөрмәтле тармак хезмәткәрләре һәм ветераннары! Сезне һөнәри бәйрәмегез белән чын күңелдән котлыйм!
Бу бәйрәм тормышлары һәм хезмәтләре җир белән тыгыз бәйләнгән һәркемне берләштерә. Ул игенчеләргә һәм терлекчеләргә, механизаторларга һәм эшкәртү производстволары белгечләренә – көндәлек хезмәтләре белән безне яңа пешкән икмәк, сөт, ит һәм яшелчәләр белән тәэмин итүчеләргә багышлана.
Сезнең хезмәтегез – районыбызның гына түгел, ә республикабызның һәм бөтен илебезнең азык-төлек иминлеге нигезе ул. Бу фидакарьлек, тирән белем һәм үз җиреңне нык яратуны таләп итә торган хезмәт.
Тармак ветераннарына аерым рәхмәт белдерәсем килә. Сезнең фидакарьлегегез һәм зирәклегегез бүгенге көндә яшь буын игенчеләре киләчәген төзи торган нигез.
Җиңел булмаган, әмма бик кирәкле хезмәтегез, һөнәргә тугрылыгыгыз һәм Чистай районының социаль-икътисади үсешенә керткән өлешегез өчен рәхмәт.
Сезгә чын күңелемнән нык сәламәтлек, бетмәс-төкәнмәс энергия һәм күңел көрлеге телим! Һава шартлары – уңай, техника – төзек, ә уңыш мул булсын. Сезгә һәм гаиләләрегезгә иминлек телим!
Дмитрий Иванов, Чистай муниципаль районы башлыгы
Нет комментариев