Чистайда үз объектларына якын территорияләрне карап тоту буенча эшмәкәрләр рейтингы булдырылачак

Чистайда үз объектларына якын территорияләрне карап тотуга бәйле эшмәкәрләр һәм оешмалар рейтингы системасы кертеләчәк. Рейтинг, шулай ук антирейтинг даими рәвештә бастырылачак. Бу хакта шәһәр башкарма комитеты җитәкчесе Айрат Хамматов хәбәр итте.

– Без янәшәдәге территорияләрне карап тотуга җаваплы караучылар рейтингын төзергә планлаштырабыз, – диде Айрат Рөстәм улы.  – Әмма бернәрсә дә эшләмәүчеләр дә «игътибарсыз» калмаячак: без антирейтинг формалаштырачакбыз һәм бастырачакбыз.

Ул берничә критерий буенча бәяләнәчәк: машина кую урыннарының торышы, чүп-чарны җыештыру, чәчәклекләрнең булу-булмавы һәм аларның торышы, шулай ук гомуми төзекләндерү. Асылда, сүз биналарның милекчеләре һәм арендаторларының янәшәдәге территорияләр турында никадәр намуслы кайгыртуларын комплекслы бәяләү турында бара.

Шәһәрнең тышкы күренеше бик күп детальләрдән тора һәм күп очракта ул бизнес һәм оешма вәкилләренең үз объектларына якын территорияләр турында ничек кайгыртуларына бәйле.

Шәһәр башкарма комитетында билгеләп үтүләренчә, яңа алым урамнарда тәртип урнаштырырга гына түгел, ә бизнес арасында сәламәт көндәшлек тудырырга: җаваплылык һәм пөхтәлек бурыч кына түгел, ә эшлекле абруй мәсьәләсе булып торырга да тиеш.

Г. Гомәрова фотосы