Авыл җирлекләренең генераль планы,җирдән файдалану кагыйдәләре расланды,район Советы карарларына үзгәрешләр кертелде

2022 елда «Чистай муниципаль районы» муниципаль берәмлеге бюджеты үтәлеше турында финанс-бюджет палатасы җитәкчесе Наталья Карманова хәбәр итте.

— Бюджет үтәлеше турыдан-туры узган елның социаль-икътисади үсеш планын үтәү белән бәйле. Бюджетның керем өлешен формалаштыру нигезенә салынган макроикътисади күрсәткечләр үтәлгән, бу керем өлешен үтәүгә тәэсир итте. Хисап елында район түләүчеләре тарафыннан 728 миллион сум күләмендә керем тәэмин ителде. Төп салым түләүчеләрнең составы узган еллардан бирле үзгәрмәде диярлек. Муниципаль район бюджетына кергән керемнәрнең гомуми күләме бер елда 2 миллиард 166 миллион сум тәшкил итте, — диде Наталья Анфиногентовна.
Салым кереме структурасында төп өлеш элеккечә керем салымына туры килә. Күчерү күләме 585 миллион сум тәшкил итә. Бу бюджетның барлык керемнәренең 80 проценты. Районның 23 предприятиесе, узган ел белән чагыштырганда, түләүләрнең кимүенә юл куйган, 62 предприятие, шул исәптән бюджет оешмалары, гомуми суммасы 179 миллион сумга үсеш тәэмин иттеләр. 2022 елда дәүләт пошлинасы 1 миллион 300 мең сум күләмендә керде. Бу керем чыганагы буенча план үтәлмәгән.

Контроль-хисап палатасы рәисе Ольга Гришина бу темага өстәмә доклад белән чыкты. Ул ассызыклаганча, Чистай районында ел саен үз керемнәренең үсеше тәэмин ителә, әлеге хисап елы да искәрмә түгел.

— Үсеш 14,4 процент тәшкил итте. Район бюджетына 298 миллион сум күләмендә өстәмә керем керде, аның төп өлеше салым керемнәре хисабына тәэмин ителде. Шул ук вакытта бюджет югары дотацияле булып кала. Башка бюджетлардан кире кайтарырга кирәк булмаган керемнәр 1 миллиард 394 миллион сум тәшкил итә. Хисап елында бюджет чыгымнары бюджет турындагы карарга туры китереп башкарылды, — дип билгеләп үтте Ольга Николаевна.

Көн тәртибендәге чираттагы мәсьәләләр булып муниципаль районнарның бюджет тәэмин ителешен тигезләүгә дотация­не бюджетка өстәмә түләүләр нормативы белән алмаштыруны килештерү тора, шулай ук депутатларга «Чис­тай муниципаль районы» муниципаль берәмлегенең контроль-хисап палатасы эшчәнлеге турында хисап тәкъдим ителде.

— 2022 елда 36 контроль һәм эксперт-аналитик чара үткәрелде. Хисап чорында 9 контроль чара үткәрелде, 24 объект тикшерелде. Тикшерелгән акчалар күләме 1 миллиард 598 мил­лион сум тәшкил итте. Тикшерүләр шәһәр башкарма комитетында, авыл җирлекләрендә, мәгариф учреждениеләрендә үткәрелде, — дип хәбәр итте Ольга Николаевна.
«Муниципаль берәмлек бүләк­ләре турында»гы район Советы карарына һәм «Буш идарәче вазифаларын һәм муниципаль хезмәт вазифаларын биләү өчен кадрлар резервын формалаштыру комиссиясе турында»гы карарга үзгәрешләр кертү хакындагы док­лад белән муниципаль район Советы аппараты җитәкчесе Равил Мәзгутов чыгыш ясады.
Сессия барышында депутатлар берничә карарга үзгәрешләр керттеләр, Мөслим авыл җирле­генең җирдән файдалану һәм төзелеш кагыйдәләрен, Татар Баганалысы авыл җирлегенең генераль планын расладылар. Барлык каралган мәсьәләләр буенча депутатлар бертавыштан карарлар кабул иттеләр.

Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз