Җанисәп алуны узган һәм iPhone откан

Республикада #ТатарстанВместе#МояПерепись фотоконкурсы дәвам итә. Стационар участокларда һәм күпфункцияле үзәкләрдә халык санын алу узган республикада яшәүчеләр арасында iPhone 13 уйнатыла.

Телефон уйнату көн саен 1 ноябрьдән 14 ноябрьгә кадәр социаль челтәрдәге конкурс берләшмәсендә 20 сәгатьтә уза. Бер көн эчендә 2 җиңүчене сайлыйлар.

Чистайда яшәүче Аделина Гатауллина бәхетлеләрнең берсе булды. Ул исәпкә алу участогында төшкән фотосурәтен социаль челтәрдәге үз битендә урнаштырган һәм 2 ноябрьдә үткәрелгән бәйгедә җиңүчеләр арасына эләккән.

Аделина Гатауллина конкурста ничек катнашырга карар кылуы, җиңүгә ышану-ышанмавы һәм җиңүе турында белгәч нинди хисләр кичерүе турында сөйләде.

– «Халык Татарстаны» битенә мин күптән язылдым. 2020 һәм 2021 еллардагы сайлаулар вакытында уйнатуда катнашып карадым. Бу юлы да катнашачагымны төгәл белдем. Социаль челтәргә фотоны исәпкә алу участогыннан чыккач ук куйдым. Барлык танышларыма һәм туганнарыма мондый конкурсларда катнашырга һәрвакыт киңәш итәм, – дип билгеләп үтә Аделина.

Кызның җиңәчәгенә тулы ышанычы булмый, ләкин аның өмете, әлбәттә, булган.

– Бер яктан, җиңәрмен дип ышандым кебек, шул ук вакытта шик тә бар иде. Беренче көнне мин онлайн трансляцияне карамадым. Икенче көнне буш вакытым булды һәм мин карарга булдым. Беренче номер яңгырады, 420 ахрысы. Мин шунда ук бу без түгел дип уйладым (әнине дә уйнатуга җәлеп иттем), чөнки безнең номерларыбыз беренче йөзлектә булырга тиеш иде, без эштән соң беренче көнне исәпкә алуга бардык. Икенче булып 126нчы номерны атадылар, бу вакытта мин икенче якка караган идем, ә яңадан экранга күз төшергәч, анда үз фотосурәтемне күрдем, – дип уртаклаша кыз. – Оештыручылар шунда ук конкурс шартлары үтәлешен тикшерделәр (социаль челтәрдә бит ачык булырга тиеш). Трансляция тәмамланды һәм мин әнигә сөйләргә йөгердем. Ул хәбәрнең раслануын көтәргә киңәш итте. 40 минуттан соң җиңүчеләрнең исемнәре һәм фотосурәтләре куелган постны бастырдылар. Соңрак оештыручылар минем белән элемтәгә кереп, бүләкне кайчан алырга мөмкин булуын әйттеләр. Без мондый бүләккә бик шатбыз. Барлык чистайлыларга киңәшем шул: җанисәп алуга барыгыз, баннер фонында фотога төшегез, хэштеглар белән социаль челтәрләрдә чыгарыгыз һәм үз битегезне ачыгыз!

Конкурста теләгән һәркем катнаша ала. Моның өчен баннер яки халык санын алу турындагы плакат фонында җанисәп алу пунктларында селфи ясагыз яки фотога төшегез. Instagram яки Вконтактедагы үз битегездә #ТатарстанВместе#МояПерепись хэштеглары белән фотографияләрне урнаштырыгыз һәм туры эфирда ярыш нәтиҗәләрен көтегез.

Социаль челтәрдәге аккаунт ачык булырга тиеш. Фотоконкурста бер катнашучыдан бары тик бер аккаунттан бер фотография генә катнаша ала. Анда 14 яшькә җиткән затлар катнашырга мөмкиннәр.