Татарстанда кискен респиратор вирус инфекцияләр белән авыручылар саны эпидемиядән түбән
Узган атнада республикада кискен респиратор вирус инфекцияләр һәм гриппның 14 587 очрагы теркәлгән. Бу эпидемия бусагасыннан 6 процентка түбәнрәк. Мондый мәгълүматларны Роспотребнадзорның Татарстан Республикасы буенча идарәсе китерә.
Статистикада әлегә гадәти респиратор вируслар өстенлек итә, циркуляциядә грипп өлеше аз кала. Белгечләр моны вакцинация өчен уңайлы вакыт дип атый: хәзер ясалган прививка сезонның иң югары ноктасына кадәр сакланырга өлгерәчәк.
Бүгенге көндә 639 642 кешегә гриппка каршы прививка ясалган, шул исәптән 147 419 балага.
Чыганак: Татар-информ
Нет комментариев