3 июльдә, Мурзихада, 13 сәгатьтә су астында калган православие храмы урынында табыну тәресе урнаштыру булачак.
Узган ел Рус географик җәмгыяте җирле бүлегенең яшьләр су асты археологик отряды "Татарстанның изге урыннары" проекты кысаларында эшләр башкарды, аның барышында су астында калган православие храмнары, мөселманнарның изге урыннары билгеләнде, алар Куйбышев сусаклагычын төзү сәбәпле, су астында калганнар.
Киләчәктә дә җимерелгән, торгызу таләп итүче муниципаль район территориясендәге дини һәйкәлләргә истәлек билгеләре урнаштыру буенча эшләр алып барылачак. Бу - безнең тарихыбыз, әхлагыбыз, мәдәниятебез нигезе, халкыбыз хәтере.
Әлеге тарихи, дини әһәмияттәге вакыйгада катнашырга теләүчеләрнең барысы да чакырыла.
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев