«Йолдызлы десант» Данауровка авылы тирәсенә төште

Биредә ун шәһәрдән вәкилләр җыелды. Хуҗалар берьюлы ике команда тәкъдим иттеләр. Әлеге егетләр һәм кызлар быел җәен «Яшь армияче» хәрби-патриотик лагеренда ял иттеләр, анда төп басым армия дисциплиналарын өйрәнүгә ясалды.
Фестиваль кураторы һәм координаторы булып Татарстан Республикасы Яшьләр министрлыгы тора, ә аны әзерләү һәм үткәрү белән, аерым алганда, «Җәй» балаларны һәм яшьләрне сәламәтләндерү, ял иттерү һәм мәшгульлекләрен оештыру буенча республика үзәге Чис­тай муниципаль районы башкарма комитетының яшьләр эшләре бүлеге белән берлектә шөгыльләнде. Программада төп игътибар туристик юнәлешкә, яшүсмерләрдә кыр шартларында  исән калу күнекмәләрен ныгытуга бирелде. Палатка кую, учак ягу күбесенә таныш. Яшәү өчен уңайлы булмаса да, әммяшьләргә күпме күңелле тәэсирләр бүләк итә. Һәм шундый тормыш биш көн дәвам итә. 
Бу шушы фестивальнең соңгы көнендә без аралашырга өлгергән анда  катнашучыларның фикере. Беренче булып без Тәтеш район үзәгеннән килгән кызлар белән таныштык.
– Без фестивальдә беренче тапкыр һәм безне җылы хисләр биләп ала, - диләр Ангелина Федотова, Валерия Ковшова һәм Мария Мурлатова. – Һәрвакыт хәрәкәттә идек, кызыклы дәресләр, күңел ачулар даими булып торды.
– Ә сезгә фестиваль нәрсә бирде?
– Без төрле шәһәрләрдән дуслар таптык, бер командада эшләргә өйрәндек. Барысы да шәп булды!
Икенче булып Әлмәттән «Нон-стоп» командасы белән таныштык. Егетләр һәм кызлар җитәкчеләре белән бергә учак тирәли утыра һәм гитарада җыр башкара иделәр. Аның «Бергә булуыбызны, дуслар булуыбызны онытмыйк» дигән бер юлы истә калды. Палата шәһәрчеге тирәсендәге мохиткә туры килә торган җыр.
Педагог Фәридә Хәбибуллина бу кичне учак өстендә балаларга нәрсә әзерләвен күрсәтте һәм хәтта кәбестә ашы белән сыйланырга тәкъдим итте.
– Бу әле беренче кичке аш кына, соңрак тагын була, –  дип аңлатты Фәридә Гаяз кызы. – Иртәнге ашка мин ботка пешерә идем, балалар яратып ашадылар. Мин биредә пешекче вазифаларын үтим, ә алар миңа ярдәм итәләр. Шундый фестивальне үткәрү һәм палата лагерьларының булуы – яхшы һәм кирәкле гамәл! Бу патриотик тәрбия дә, практик күнекмәләр дә, аларның алга таба тормышта кирәге чыгачак.
Соңрак без якташларыбызны очраттык, алар фестивальне ябу тантанасына әзерләнә иделәр. Алар арасында «Яшь армияче» лагеренда хатын-кызлар взводы командиры булган Кристина Ермолаеваны күрү икеләтә күңелле булды. Ул башка яшь армиячеләр кебек үк походка барырга, винтовкадан атарга, парашюттан сикерергә ярата.
– Миңа фестивальдә төрле уеннар, квестлар, походлар, экскурсияләр ошады, - дип үз тәэсирләре белән уртаклаша Изел Кәримова. – Бу озакка истә калачак!
– Танып-белү, практик дәрес­ләрдән тыш, күңел ачу чараларын, мәсәлән, дәртләндергеч дискотекаларны билгеләп үтәсем килә! – дип елмая Богдан Зимин.
Дусларының берсе:
– Биредә бик матур кызлар җыелган! – дип өстәргә ашыга.
Безнең журналист буларак кызыксынуы­бызны көтеп тә тормыйча егетләрнең өченчесе:
– Менә телефон номерлары алмаштык, шалтыратышачакбыз, – дип өстәп куйды.
Вакытны шәп үт­кәргән малайлар һәм кызлар өчен чын күңелдән сөендек!
Кызганычка каршы, күпмедер вакытка барысын да палаткаларга куып керткән яңгыр планнарны бутады. Әмма кояш чыгуга, барысы да урамга йөгереп чыктылар. Малайлар һәм кызлар өчен саубуллашу бәйрәменә, моңсу бәйрәмгә чакыру яңгырады.
– Шунысы сөендерә, палата лагерьларында ял итәргә теләүчеләр күп булды, кайбер яшүсмерләр биредә икенче, өченче сменага калды, – дип билгеләп үтте үз чыгышында балигъ булмаганнар эшләре һәм аларның хокукларын яклау буенча республика комиссиясенең җаваплы сәркатибе Илсөяр Гарифуллина. – Димәк, мондый ритм аларның күңеленә хуш килә. Аларның үзләре белән бары матур тәэсирләр генә алып китүләрен һәм киләсе елда кабат очрашуларын телим.
Чистай районы башлыгы исеменнән фестивальдә катнашучыларны мәгариф идарәсе начальнигы Госман Нәбиуллин сәламләде. Һәм, әлбәттә, оештыручылардан төрле конкурсларда җиңүчеләргә, команда җитәкчеләренә, педагогларына котлаулар һәм бүләкләр бирелде. Алар арасында Чистай вәкилләренең булуы аеруча шатлыклы.