Тукай районында яшәүчеләр елгадан килгән көчле истән зарланалар

Аларның сүзләренә караганда, сулыкка калдыклар агызырга мөмкиннәр. Авыл кешеләре март уртасыннан кичен дә, төнлә дә көчәя барган сасы ис сизә башлаганнар. Кайберләрендә баш авырту, күңел болгану, аллергия барлыкка килгән.

Шаһитлар төшергән кадрларда елгадагы суның ак төскә кергәнлеге, һавага күтәрелә торган күбек белән капланганлыгы күренә. Халык әйтүенчә, элек Инештә балык һәм кыслалар тотканнар, әмма хәзер сулык танымаслык булып үзгәргән.

Авыл кешеләренең шикаятьләре буенча урынга белгечләр барган. Экологлар су пробаларын алганнар, нәтиҗәләр бер атна эчендә көтелә. Шулай ук зарарлы матдәләрнең микъдарын тикшерү өчен һава пробасы алынган.

Тикшерүгә Роспотребнадзор һәм табигатьне саклау прокуратурасы кушылган. Ведомстволар территорияне тикшерәләр һәм пычрану чыганагын ачыклыйлар.

Чыганак: Татарстан 24