Татарстанда бер атна эчендә бензинның барлык төр маркалары кыйммәтләнгән

30 марттан 6 апрельгә кадәр бер атна эчендә Татарстанда бензинның барлык маркалары да кыйммәтләнгән, дип хәбәр ителә Татарстанстат мәгълүматларында.

Барыннан да бигрәк АИ-92 маркалы бензин кыйммәтләнгән — 24 тиенгә, бер литры 61,82 сумнан 62,06 сумга кадәр. 95нче бензин 65,52 урынына 65,75 сум тора (23 тиенгә кыйммәтрәк). АИ-98 һәм аннан югарырак маркалы бензин һәм дизель ягулыгы 89,63 сумнан 89,67 сумга кадәр һәм 72,60 сумнан 72,67 сумга кадәр кыйммәтләнгән.

Чыганак: Вечерняя Казань