СВО волонтерлары Чистай социаль хезмәт күрсәтү йортында яшәүчеләр белән очраштылар

Чистай социаль хезмәт күрсәтү йорты дулкынландыргыч һәм әһәмиятле очрашу урынына әйләнде. Анда яшәүчеләр янына махсус хәрби операциядә катнашучыларга ярдәм итүче волонтерлар килде. Гадәти очрашу урынына кунаклар буыннар очрашуы уздырдылар – алар каһарманлык тарихлары белән уртаклаштылар, фронт көнкүреше турында сөйләделәр һәм армия хезмәте предметларын күрсәттеләр.

Волонтерлар үзләре белән СВОда сугышчылар һәр көн куллана торган экипировка үрнәкләрен алып килделәр. Бронжилеттан алып тактик перчаткаларга хәтле булган барлык әйберләр куллануның билгеләнеше һәм аерымлыклары турында сөйләде. Барлык теләүчеләр әлеге киемнәрне карап кына калмыйча, хәрби хезмәтнең авырлыгын тою өчен киеп тә карадылар. Оештыручылар сүзләренчә, шундый тәэсирләр Ватаныбызны саклаучыларның көн саен нинди авырлыклар белән очрашуларын аңларга яхшырак ярдәм итә.

Очрашуның иң тәэсирле чарасы булып иҗади мастер-класс торды. Волонтерлар җитәкчелегендә әлеге йортта яшәүчеләр йөрәк-талисманнар ясадылар. Болар кулдан ясалган кечкенә сувенирлар. Шушы көннәрдә алар алгы сызыкка китәчәк. Һәр йөрәк ул – күңел җылысы. Очрашуда катнашучылар әйтүенчә, алар туган җиребездә, якыннарының, гаиләләренең аларны көтүләрен һәм горурлануларын искә төшереп торачаклар.

Очрашу җылы, дустанә мөнәсәбәттә узды. Биредә яшәүчеләр волонтерларга ихлас әңгәмәләре һәм сугышчыларга ярдәм йөзеннән үз өлешләрен дә кертергә мөмкинлек биргәннәре өчен рәхмәт белдерделәр.

Волонтерлар үз чиратларында әлеге очрашуның үзләрендә бары уңай эмоцияләр тудыруларын һәм сугышчыларга ярдәм итүнең Җиңүебезнең бер кисәкчеге булуын расладылар.