Мебель фабрикасы микрорайонында ремонтлана торган автомобиль күпере буенча хәрәкәтне ачу 1 декабрьгә күчерелә. Бу хакта социаль челтәрдәге битендә муниципаль район башлыгы Дмитрий Иванов хәбәр итте
– Башта без машиналар хәрәкәтен иртәрәк җибәрергә планлаштырган идек, чөнки эшләр графиктан алда бара. Ләкин подрядчыга төзелеш комплексын тулысынча төгәлләү өчен өстәмә вакыт кирәк. Өстәвенә, техник процессларны автомобильләр агымы белән бергә алып бару мөмкин түгел. 1 декабрьгә кадәр безгә урау маршрутлардан файдаланырга туры киләчәк. Вакытлыча уңайсызлыклар өчен гафу үтенәм һәм сезгә аңлавыгыз һәм сабырлыгыгыз өчен рәхмәт белдерәм! – дип язды Дмитрий Алексеевич.
Нет комментариев