Чистайда галим Геннадий Романовның 80 яшьлегенә багышланган күргәзмә ачылды

8 октябрьдән 8 ноябрьгә кадәр музей-күргәзмә комплексында якташыбыз – химия фәннәре докторы, ТР Фәннәр Академиясе әгъза-корреспонденты, ТРның атказанган фән эшлеклесе Геннадий Васильевич Романовның 80 яшьлегенә багышланган күргәзмә эшли.

Экспозиция галимнең тормыш юлы һәм иҗаты белән таныштыра: биредә аның Татарстан һәм Россия фәненә керткән өлешен һәм халыкара танылуын чагылдырган фотографияләр, уйлап табуларга патентлар, фәнни хезмәтләр һәм документлар тәкъдим ителгән.

Күргәзмә, дүшәмбедән кала, көн саен 9дан 18 сәгатькә кадәр ачык.

6+