Атналык киңәшмәдә яңа җитәкчене тәкъдим иттеләр һәм бүләкләр тапшырдылар

Хакимияттә узган атналык киңәшмәдә «Исцеление» муниципаль автоном учреждениесенең яңа җитәкчесен тәкъдим иттеләр. Билгеләнү турында район башлыгы Дмитрий Иванов хәбәр итте. 11 июньнән әлеге учреждениенең җитәкчесе итеп Юрий Владимирович Бочкарев билгеләнә.
Дмитрий Иванов шулай ук чистайлыларга бүләкләр тапшырды. Аларның берсе – шәхси эшмәкәр Петр Ильдимиров. Ул күрсәткән ярдәме, инициативасы һәм актив тормыш позициясе өчен отряд командиры, капитан Агеенковның Рәхмәт хатына лаек булды.
Бөек Ватан сугышында Җиңүнең 80 еллыгын бәйрәм итүгә шәһәрне бизәкләгәндә куелган бурычларны нәтиҗәле хәл иткәне өчен «Наше время» предприятиесенең техник директоры Максим Васин Чистай муниципаль районы башлыгының Рәхмәт хаты белән бүләкләнде.