Таҗик диаспорасы белән очрашу Ислам үзәге мәйданчыгында узды
Ислам үзәгендә таҗик диаспорасы вәкилләре белән очрашу узды. Аның төп темалары булып миграцион законлылыкны саклау, хезмәт мигрантларын социаль адаптацияләү һәм яшьләр арасында радикаль идеологияләрне таратуга юл куймау булды
Әлеге чара ачыктан-ачык сөйләшү форматында узды. Анда милли-мәдәни берләшмәләр вәкилләре, профильле ведомство хезмәткәрләре һәм хокук белгечләре катнашты. Әлеге очрашуны ачып, оештыручылар мондый консультация мәйданчыклары дәүләт һәм милли оешмалар арасында нәтиҗәле сөйләшүгә юнәлдерелүен ассызыкладылар.
Тикшерү барышында катнашучылар Россия Федерациясенең миграция сәясәтендә актуаль үзгәрешләргә җентекле тукталдылар. Хезмәт эшчәнлеген легальләштерү, вакытлыча килү срокларына һәм рөхсәт ителгән документларны вакытында теркәү мәҗбүрилеге мәсьәләләренә игътибар бирелде. Спикерлар законны үтәү чит ил гражданнарының илебез территориясенә имин һәм уңайлы килүләре өчен төп шарт булып торуын искә төшерделәр. Әңгәмәнең төп өлеше экстремистик һәм радикаль күренешләрне кисәтүгә багышланды.
Диаспора вәкилләре деструктив көчләр йогынтысына эләкмәс өчен якташлар, аеруча яңа килгәннәре арасында аңлату эшләренең мөһимлеген билгеләп үттеләр. Очрашуда катнашучылар милләтара килешүчәнлекне саклауның, кабул итүче якның мәдәни һәм хокукый нормаларын саклауның гомуми җаваплылык булуында уртак фикергә килделәр.
Чара азагында тату күршелекнең һәм аңлашып яшәүнең төп принципларын искә төшерделәр. Россия законнарына хөрмәтле мөнәсәбәт һәм үз мәдәниятеңне югалтуларсыз саклау конструктив халыкара мөнәсәбәтләрнең тотрыклылыгын ныгытуга һәм үсешенә булышлык итә.
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев