Чистай халкын һәм шәһәр кунакларын татар халкының үзенчәлекле мәдәнияте белән танышу көтә
28 ноябрьдә Ислам үзәгендә «Каз өмәсе» фестивале узачак. Каз өмәсе – халкыбызның рухи байлыгын үзенә туплаган иң матур йолаларның берсе ул.
Оештыручылар милли мирас белән якыннан танышырга мөмкинлек бирәчәк бай программа вәгъдә итә.
Иртәдән үк, 9 сәгатьтә, зур ярминкә эшли башлый. Кунакларга истәлекле сувенирлар, фермер продукциясе, бизәнү әйберләре һәм уенчыклар тәкъдим ителәчәк: һәркем күңеленә хуш килгән нәрсәләр таба алачак.
Программаның мәдәни өлеше үз эченә татар халык йолалары белән танышуны ала.
Кунакларны кайнар күмер өстендә мичтә пешерелгән хуш исле һәм искиткеч тәмле коймаклар, шулай ук милли бәйрәмнең иң тәмле ризыкларыннан берсе булган каз боткасы көтә. Бәйрәмне талантлы башкаручылар чыгышлары белән якты концерт программасы төгәлли.
Мәртәбәле кунаклар аерым бәйрәм рухы тудырачак.
«Татарстанның һәм Башкортостанның халык артисты, ТНВ телеканалында «Кәмит Җәвит» тапшыруын алып баручы Җәвит Шакиров һәм аның хатыны Зөлфия Шакирова аерым бәйрәм рухы тудырачак», – дип сөйләделәр оештыручылар.
Фестиваль 10 сәгатьтә башлана.
Керү ирекле.
6+
Нет комментариев