Чистай-информ
  • Рус Тат
  • Территориаль җәмәгать советы – һәр кеше игътибар үзәгендә

    Территориаль иҗтимагый үзидарә оештыру турындагы мәсьәлә каралган киңәшмәне муниципаль район башлыгы Илдус Әхмәтҗанов уздырды.

    Анда ТР Дәүләт Советы депутаты Виктор Смыков, аның ярдәмчесе Владимир Пещеров, "Ямашнефть" НГДУының бүлек начальнигы урынбасары Николай Бочкарев, Әлмәт шәһәрендәге территориаль җәмәгать советының 6 нчы җирле үзидарәсе мөдире Галина Савельева катнаштылар. Алар территориаль җәмәгать советының җирле үзидарәсе эшчәнлеге юнәлешләре турында сөйләделәр, эш тәҗрибәсе белән уртаклаштылар, социаль мәсьәләләрне хәл итүдә халыкның ролен активлаштыруны тикшерделәр.
    Безнең шәһәребездә дә яшәү урыны буенча шундый эш алып барыла. Ул Тегермән мәйданы микрорайонында аеруча продуктлы, биредә территориаль җәмәгать советы белән җәмәгать башлангычында Роза Харитонова җитәкчелек итә. Ул шулай ук коллегалары белән системалы үзара элемтә һәм халык белән аралашу тәҗрибәсе белән уртаклашты. Төгәл мәсьәләләрне чишүдән, төрле планлы чараларны оештырудан кала елына ике тапкыр микрорайонда яшәүчеләр арасында социологик сораштыру уздырыла, алынган мәгълүматларны үз эшчәнлекләрендә файдаланалар.
    Виктор Смыков микрорайонда алып барыла торган эшнең әһәмиятен ассызыклады. Бу халыкның гражданлык позиция­сен активлаштырырга ярдәм итә, аларны төзекләндерү мәсьәләләрен хәл итүгә, сәламәт яшәү рәвешен пропагандалауга, иҗтимагый хокук тәртибен үтәүгә һәм башка эшләргә җәлеп итү мөмкинлеге бирә.
    Шәһәрдә территориаль җәмәгать советы эше буенча муниципаль районның координацион советын формалаштыру турындагы сорауга Илдус Әхмәтҗановның чыгышы багышланган иде. Ул шулай ук җәмәгать үзидарәсе буенча кайбер илләрдәге тәҗрибә турында сөйләде.
    Территориаль җәмәгать советларының эшчәнлек нәтиҗәлелеген бәяләү критерийлары эшләнгән, алар түбәндәге параметрлар буенча билгеләнәчәк: матди-техник, хокукый, идарә, эксперт. Ун территориаль җәмәгать советы (ТҖС) оештырырга булдылар. Һәр берсе өчен баш предприятие, җитәкче, ТҖС кураторы билгеләнергә, шәһәр Советы депутаты, муниципаль район башкарма комитетыннан, пердприятиеләрдән һәм оешмалардан җаваплы кешеләр беркетелергә тиеш. ТҖС мөдирләре вазифасына кандидатуралар карала, финанс­лау хәйрия нигезендә булачак. Җыелучыларны әлеге мәсьәлә буенча тулы мәгълүмат белән "Чистай шәһәре" муниципаль берәмлеге башлыгы урынбасары таныштырды. Киңәшмә эшендә муниципаль район башкарма комитеты җитәкчесенең беренче урынбасары Надежда Сергеева катнашты.
    Нравится
    Поделиться:
    Реклама
    Комментарии (0)
    Осталось символов: