Татарстанда кара металл ватыклары кыйммәтләнде

Татарстанда июнь ахырында кара металл ватыкларына бәяләр артты. Төбәк предприятиеләрендә 3А категорияле металл ватыкларының бәясе якынча 5 процентка артты һәм китереп бирүне исәпкә алмыйча тоннасына 19,5 мең сумга җитте.

Тулаем Россия буенча уртача бәя 18,25 мең сумга кадәр күтәрелде — соңгы елда иң югары күрсәткеч. Екатеринбургта металл ватыклары тагын да кыйммәтрәк тора — 21,27 мең сум, Мәскәү төбәгендә — 19,52 мең, Новосибирскида — 16,41 мең.

Алга таба динамика төзелеш тармагына, сум курсына һәм корыч продукциягә ихтыяҗга бәйле булачак.

Чыганак: Вечерняя Казань