Чистай муниципалитетында узган киңәшмәдә «Восток» филиалы эшчәнлеге, агросәнәгать комплексында эшләрнең торышы турында фикер алыштылар

Аны Чистай муниципаль районы башлыгы Дмитрий Иванов алып барды.

Шәһәрнең җитештерү предприятиеләре өчен инженер-техник кадрлар әзерләү бара

Туполев исемендәге КАИ-КНИТУның «Восток» Чистай филиалының 2021-2022нче еллардагы эше турында директор Илшат Мөхәммәтҗанов сөйләде. Филиал муниципаль район территориясендә 1987нче елдан бирле укыту эшчәнлеген башкара, шәһәр һәм районның җитештерү предприятиеләре өчен инженер-техник кадрлар әзерли.

Хәзерге вакытта әзерлек бакалавриатның 3 юнәлеше буенча алып барыла. Болар – информатика һәм исәпләү техникасы, прибор төзелеше, икътисад. Шулай ук магистратураның – инноватика, профиль буенча цифрлы җитештерүнең берәр юнәлешен алып бара.

Белем бирү процессын тормышка ашыруда 34 фәнни-педагогик хезмәткәр катнаша, аларның 85 процентын кандидатлар һәм фән докторлары тәшкил итә, 9 белгеч безнең шәһәр предприятиеләреннән җәлеп ителә.

Федераль мониторинг критерийлары буенча филиал нәтиҗәле дип таныла.

Терлек азыгы әзерләү буенча күрсәткечләр яхшы

Агросәнәгать комплексындагы эшләрнең торышы турында авыл хуҗалыгы һәм азык-төлек идарәсе башлыгы Александр Ромадановский сөйләде. Район басуларында көнбагыш, җитен, соя кебек соңрак культуралар секциясе бара. Бәрәңге җыю дәвам итә. 103 гектарда җыеп алынган, уңыш – 2958 тонна, уртача уңдырыш һәр гектардан 290 центнер тәшкил итә.

Туфракны төп эшкәртү бара. Узган атнада хуҗалыклар тарафыннан 3200 гектар эшкәртелгән, тулаем район буенча – 47 процент.

Терлек азыгы әзерләү буенча районда күрсәткечләр яхшы. Сенаж ихтыяҗның – 100, печән 144 процентында әзерләнгән. Силос әзерләү эшләре дәвам итә, хәзерге вакытта аның 75 проценты әзерләнгән.

Бер атна эчендә тулай савым 340 тонна тәшкил иткән. 323 тонна сатылган. Сатуның уртача бәясе – 31,70 сум.

8 машина йөртүче руль артына исерек килеш утырган

Узган атнадагы оператив хәл турында Россия Эчке эшләр министрлыгының Чистай районы буенча бүлек җитәкчесе урынбасары Сергей Атуров сөйләде. Бер атна эчендә җинаять турында 13 хәбәр теркәлгән. Сводкада – 5 урлашу, 4 мошенниклык, наркотиклар тартып алуның, теракт турында ялган хәбәрнең, административ күзәтчелекне бозуның, исерек килеш кабат идарә итүнең берәр очрагы. 16 юл-транспорт вакыйгасы булган, аларда 3 кеше төрле дәрәҗәдә зыян күргән. Җәяүлене бәрдергәннәр. Бер машина йөртүче юл-транспорт вакыйгасы урыныннан качкан. Юл хәрәкәте кагыйдәләрен бозган өчен 237 кеше тоткарланган. Исерек килеш транспорт чарасы белән идарә иткән өчен – 8.