Утта 38 яшьлек ир-ат янып үлде

Йортның эчке өлешен һәм чарлакны ут камап алган. Янгынны сүндергәндә янгын сүндерүчеләр залда бер ир-атның яшәү-билгеләре булмаган гәүдәсенә тап булалар. Янгынның якынча сәбәбе - исерек килеш тәмәке тартканда ут белән сак эш итмәү. Ачык­ланганча, фаҗигагә кадәр ир-атка эшләргә рөхсәт итмәгәннәр (исерек булган) һәм ул өенә кайтып киткән. Кич белән ул эштән кайтып килүче дусларын очраткан һәм үзенә чакырган. Бер шешә аракы сатып алганнар. Эчкәннәр, сөйләшеп утырганнар һәм тәмәке тартканнар. Бер-ике рюмка эчкәннән соң берсе кайтып киткән, аның артыннан икенчесе дә киткән һәм йорт хуҗасы үзе генә калган. Ә иртән аның гомерен өзгән менә шундый коточкыч хәл булган.