Чистай хэбэрлэре
  • Рус Тат
  • Алексеевск районында үлемгә китергән юл-транспорт вакыйгасы булды

    2 июнь көнне иртәнге 5 сәгатьтә Алексеевск районының Юеш Көрнәле торак пункты янында юл-транспорт вакыйгасы булды. Анда ике кеше һәлак булды, берсе зыян күрде.

    ВАЗ-21099 автомобилен йөртүче тиешле тизлекне арттырган һәм борылышта машина белән идарә итә алмаган, нәтиҗәдә, каршы як хәрәкәт полосасыннан килүче ВАЗ-2110 автомашинасы белән бәрелешкән.
    Юл-транспорт вакыйгасы нәтиҗәсендә"99"нчы модельле машинаны йөртүче алгы тәрәзәдән очып чыккан, чөнки иминлек каешын эләктермәгән булган. "Унлы" артыннан килүче ВАЗ-2114 машинасы очып чыккан машина йөртүчене таптаткан һәм аны 20 метр тирәсе сөйрәп барган. Әлеге юл-транспорт вакыйгасында Чистай шәһәрендә яшәүче, "унлы" машинасын йөртүче дә һәлак булган. Аның пассажиры күп санлы тән җәрәхәтләре һәм баш мие селкенүенә шик белән Алексеевск дәвалау учреждениесенә китерелгән.

    Нравится
    Поделиться:
    Реклама
    Комментарии (0)
    Осталось символов: