Чистай хэбэрлэре
  • Рус Тат
  • Инвалидлар яхшы нәтиҗәләр күрсәттеләр

    Шәһәрдә инвалидлар ункөнлеге кысаларында спортның күп төрләре буенча ярышлар узды.

    Балалар һәм яшьләр иҗат йортында шахматчылар, шашкачылар һәм теннисчылар ярыштылар. Шашка буенча беренче урыннарны Светлана Миңнекиева һәм Хөрмәтулла Кәлимуллин алдылар. Шахмат уенында Валентина Солдатова һәм Сергей Пагин беренчеләр булдылар. Өстәл теннисы буенча ярышларда күп кенә республика чемпионатларында катнашкан Алмаз Габитов җиңүче дип табылды. Инвалидлар җәмгыяте җитәкчелеге күрсәткән хезмәтләре өчен балалар һәм яшьләр иҗат йорты коллективына рәхмәт белдерә.
    "Батыр" спорт комплексында физик мөмкинлекләре чикләнгән кешеләр армрестлинг, авыр атлетика, гер күтәрү буенча (спортның барлык көч төрләре тәкъдим ителгән иде!) көч сынаштылар. Алмаз Габитов барысыннан да яхшырак турникта тартылды, Елена Гатина - эскәмиядән этелде. Шул ук спортчылар ятып штанганы салмак күтәрүдә аерылып тордылар. Беренче тапкыр бочча узды - бу параолимпия уеннарының яңа төре. Башта коляскада утыручы инвалидлар үзләре өчен гадәти булмаган ярышка сагаеп карадылар, әмма соңыннан уен аларны үзенә җәлеп итте, аларда үзләрен үтә тәвәкәллек белән күрсәтү теләге барлыкка килде. Авырулар һөҗүменә бирешмичә, алга таба да шундый булыгыз!
    Нравится
    Поделиться:
    Реклама
    Комментарии (0)
    • 10 ноябрь 2017 - 10:12
      Хокуклары бозылса, кулланучыга ничек эш итәргә
    • 10 ноябрь 2017 - 10:12
      Россиянең иң яшь бәйрәмнәренең берсен концерт белән билгеләп үттеләр
    • 17 май 2018 - 16:58
      Урамыбыз ялт итте
      Май  бәйрәмнәрен бөтен кеше дә көтеп ала торгандыр мөгаен, ник дисәң, ниһаять, җир йөзенә  көтеп алынган яз аяк баса. Җылыга, кояшка тилмергән табигать  уяна. 
      104
      0
      0
    Ночной режим