Чистайның 245 еллыгына багышлана
Быел Чистай 245 еллыгын билгеләп үтәчәк. Ике ел ярым гасыр эчендә безнең шәһәребез күп нәрсәне: сәүдәгәрлекнең чәчәк атуын, заводларның данлы чорын, Бөек Ватан сугыш елларында монда яшәгән язучыларның иҗат итүләрен дә күргән.
Без тарихыбыз белән горурланырга гадәтләнгәнбез, әмма бүген безне нәрсә рухландыра соң? Кайчакта шәһәргә мәхәббәтеңне сүзләр белән аңлата алмыйсың, әмма тәнең белән сизәсең. Болар – икмәк пешерү йортыннан килгән тәмле ис, әти-әниләр белән йөргән парк, вакыт туктап калган кебек тоелган тын гына тыкрык... Күпләр өчен Чистай – картадагы нокта гына түгел.
Ул – көч, язмыш һәм илһам чыганагы
Үзенең 245 еллыгын Чистаебыз лаеклы каршылый: ул матурая, төзелешләр арта, әмма иң мөһиме – ул үзенең уникаль хакыйкыйлыгын югалтмый. Әмма аның төп байлыгы – монда яшәүче, хыялланучы, киләчәкне төзүче кешеләре. Шуңа күрә дә без казанышлар турында мактану сүзләре язарга гына түгел, ә чистайлыларның үзләренә сүз бирергә булдык. Алар өчен Чистай нәрсә ул?
Илья Сологуб, «Татмедиа» АҖ филиалы «Чистай-информ»ның штаттан тыш хәбәрчесе:
– Минем өчен Чистай – ул, беренче чиратта, кече ватаным. Шәһәр урамнары буйлап йөргәндә, сәүдәгәрләр биналарының архитектурасына һәм җыйнак скверларга сокланам. Чулман буена төшкән саен, мин дәртләнеп китәм. Офык артында сихри кояш баюлары, матур табигать, йөзеп баручы теплоходлар гына да ни тора! Мин 245 еллык тарихы булган шәһәребезнең, узган еллар мирасын саклап, төзекләнә баруын күрәм: Ленин урамын реконструкцияләү бара, «Наречье» яр буе төзелә, «Чистай» индустриаль паркы киңәйтелә. Ә тагын миңа туган шәһәремне һәм аның кешеләрен фотога төшерү – тормышның хәзерге мизгелләрен туплау ошый.
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев