Чистайда махсус хәрби операция зонасындагы солдатлардан Рәхмәт хатлары тапшырылды

Муниципалитетта үткән киңәшмә-планеркада Чистай муниципаль районы башкарма комитеты җитәкчесе Эдуард Хәсәнов Рәхмәт хатлары тапшырды.

«Изге Георгий» җиденче диверсия-разведка штурм бригадасының җитәкчелеге һәм шәхси составы махсус хәрби операцияне үткәрү кысаларында хәрбиләрнең үз эшләрен сыйфатлы

башкаруларына һәм куелган максатларга ирешүдә ярдәм иткәннәре өчен:

— Чулпан Сөләйманова (рәсемдә) йөзендә «Чистай — фронтка» волонтерлар хәрәкәтенә;

— «Чистай электр челтәре» челтәр компаниясе филиалы директоры Руслан Касыймовка;

— Татарстан Республикасы «Интерхиммед» предприятиесе директоры, Чистай муниципаль районы Советы депутаты Рәмис Сафиуллинга;

— «Галант» компаниясе төркеме җитәкчесе Сергей Абакунинга рәхмәт белдерә.