Чистай-информ
  • Рус Тат
  • Икмәк булачак

    Урып-җыю чоры үзенең экваторын узды һәм кайбер хуҗалыклар урып-җыюны төгәлләүгә якынлашалар.

    "Мөкатдисов" хуҗалыгында суктыру төгәлләнгән, ә "Акбулат", "Вамин-Чистай" агрофирмасы хуҗалыклары урып-җыюның ахырына якынлаша. "Луч" хуҗалыгында хәлләр начар, биредә 14 процент кына мәйдан суктырылган. Бөртек уңышы район буенча бер гектардан уртача 18,4 центнер тәшкил итә, алдынгылар да бар. "Кутлушкино"да бер гектардан - 25,7, ә "Мөкатдисов" хуҗалыгында - 26,8 центнер. Һава торышы коры булуга карамастан, арпа һәм солы уңышы ярыйсы, ә сабан бодаен беренче суктырулар уңышның югары булмавын күрсәтте, уҗым бодае һәм арышы белән шундый ук хәл. Әмма үзебезнең икмәгебез белән булачакбыз. Урып-җыюда хәзер йөздән аз гына артыграк комбайн катнаша. Алар игенне август азагына кадәр суктырып бетерергә тиеш, шуның өстенә моңа бернәрсә дә комачауламый.

    Нравится
    Поделиться:
    Реклама
    Комментарии (0)
    Осталось символов: