Чистай хэбэрлэре
  • Рус Тат
  • Соңгы көрәш иң авыры

    Казанда бокс буенча халыкара турнир узды. Анда Казахстаннан, Марий-Эль Республикасыннан, Чувашстаннан, Калмыкиядән, Татарстаннан, Чиләбе, Саратов, Волгоград, Киров шәһәрләреннән йөздән артык иң көчле боксчы катнашты.

    Чистай исеменнән "Олимп" балалар-яшүсмерләр спорт мәктәбендә тәрбияләнүче Ленар Мифтахетдинов (Каргалы гимназиясе) чыгыш ясады. Аның тренеры Валерий Шестаков. Өч көн буена барган көчле ярышлар Ленарны финалга китерде. Ярыш бик грамоталы булды. Беренче раунд 0:0 исәбе белән тәмамланды, ике спортчы да бер-берсен сынадылар. Икенче раундта тигез исәп 1:1 белән тәмамланды, өченче раундта Ленар җиңелде һәм беренче урын белән хушлашты. Нәтиҗә 2:1 көндәше файдасына. Якташыбыз бераз борчылды, әмма тиешле нәтиҗә ясады.
    Ленар Мифтахетдиновны икенче призлы урын алуы белән тәбрик итәбез. Киләсе сәфәр декабрь аенда Йошкар-Ола шәһәренә булачак. Аңа уңышлы чыгыш телибез һәм җиңү белән кайтуын көтәбез.
    Нравится
    Поделиться:
    Реклама
    Комментарии (0)
    Осталось символов: