Музейны тулыландыру көтелә

Элек сәгать заводы музее завод клубында урнашкан иде, аннан соң аны заводның административ бинасына күчерделәр, бу экспозицияләрне карарга теләүчеләрнең керүен чикләде. "Восток" Чистай сәгать заводы предприятиесе тарихы Чистай шәһәре тарихы белән бәйләнгән, ул озак еллар дәвамында илебезнең сәнәгать индустриясе флагманы булып торды. Нәкъ менә өяз шәһәре музеендагы документларда, фотографияләрдә һәм төрле экспонатларда аның бөтен тарихы чагылдырылган. Әлеге узган елларның телсез шаһитлары шәһәребез тормышының төрле этап­лардагы сулышын һәм пульсын чагылдыра. Нәкъ менә шуңа "Восток" Чистай сәгать заводы музее экспонатлары шәһәр музее экспозицияләренә кушылып китәчәк.

Наталья Евгеньевна әйтеп үткәнчә, сәгать заводы тарихына багышланган тулы күләмле күргәзмәне җәй азагы-көз башына әзерләүне планлаштыралар. Күп кенә чистайлылар, бигрәк тә өлкән буын өчен бу чыннан да әһәмиятле вакыйга. Күргәзмә шәһәр кунаклары һәм шәһәр халкы арасында кызыксыну уятыр, мөгаен.