«Киңлек мәгълүматларының милли системасы» платформасы тәкъдим ителде

Татарстан Росреестрында Җәмәгать советы әгъзалары зур кызыксыну белән «Киңлек мәгълүматларының милли системасы» (НСПД) санлы платформасының мөмкинлекләре белән таныштылар һәм республика гражданнары һәм бизнесы өчен аның файдасын югары бәяләделәр.

НСПД – бу җир турында мәгълүматларны, күчемсез милекне һәм төбәкнең киңлекләр мәгълүматларын берләштерүче дәүләт санлы платформасы.

Платформа нәрсә бирә

Мәгълүматлар интеграциясе: картаны, участок чикләрен һәм күчемсез милек объектларын да кертеп, платформа уннарча мәгълүмати катламнарны берләштерә.

Хезмәт күрсәтүнең уңайлы ягы: система дәүләт һәм муниципаль хезмәтләрне электрон төрдә тиз алу мөмкинлеге бирә.

Җирдән файдалану тәртибе: проект участок чикләрен ачыклау һәм яңа җирләрне икътисади әйләнешкә җәлеп итү мөмкинлеге бирә.

НСПД платформасы ярдәмендә түбәндәгеләрне эшләргә мөмкин:

• бирелгән кадастр номеры буенча яисә сайланган чикләр буенча җир участоклары турында мәгълүмат алырга;
• җирләрдән һәм күчемсез объектлардан файдалану нәтиҗәлелеген күтәрергә;
• НСПДның картографик катламнарыннан файдаланырга.

НСПД сервисларын кулланып шулай ук түбәндәгеләрне эшләргә мөмкин:

• күчемсез объектлардагы үзгә­решләр турында мәгълүматлар алырга;
• ИЖС өчен төзелеш схемасын әзерләргә;
• туризмны үстерү өчен яраклы җир участокларын табарга;
• дәүләт яисә муниципаль милектә булган җир участокларын алырга.

Шулай ук НСПД порталының төп битендә Ачык кадастр картасын карау уңайлы. Сервис ярдәмендә күчемсез милек объектлары турында тиз арада актуаль мәгълүмат алырга мөмкин:

• кадастр номерын һәм кадастр бәясен;
• милекнең формасын һәм аңардан файдаланырга рөхсәт ителгән төрен;
• объект билгеләнешен һәм аның мәйданын;
• нинди территориаль зонага керүен;
• теркәлгән чикләүләр турында мәгълүматлар.

НСПД базасында ПКК тәэмин итә:

• йөкләнешнең югары тизлеген һәм картографик мәгълүматларның чагылышын;
• позицияләштерүнең иң яхшы төгәллеген һәм мәгълүматларны актуальләштерүне;
• төрле корылмалар астында адаптацияләнү белән уңайлы интерфейс;
• киңлек мәгълүматлары белән комплекслы эшләү өчен платформаның башка сервислары белән интеграция.

Гражданнарга һәм бизнеска уңайлы булсын өчен киңлек мәгълүматлары белән актив тулыланучы НСПД платформасы дәүләт белән уртак хезмәттәшлекне гади һәм ачык итә, шул ук вакытта хезмәт күрсәтү срогы кыскара, ә җир ресурсларын исәпкә алу төгәллеге арта.

Матбугат хезмәте