Шәһәр Советының чираттагы утырышы булды. Аны шәһәр башлыгы урынбасары Михаил Ксенофонтов алып барды. Көн тәртибенә биш мәсьәлә кертелгән иде
Иң элек 2026 елга һәм 2027-2028 елларның планлы чорына шәһәр бюджетына үзгәрешләр каралды. Аларны финанс-бюджет палатасы җитәкчесе Наталья Карманова тәкъдим итте. Төзәтмәләрне керем өлешенә дә, чыгым өлешенә дә кертергә тәкъдим ителә. Үзгәрешләрне исәпкә алып, шәһәр бюджеты кеременең гомуми күләме – 346 818, 7 мең сум, чыгымнар 373 601, 5 мең сум тәшкил итәчәк. Бюджет кытлыгының иң чик күләмен 26 782,8 мең сум күләмендә раслау планлаштырыла.
Икенче мәсьәлә буенча җир һәм мөлкәти мөнәсәбәтләр палатасы җитәкчесе Марина Исхакова чыгыш ясады. Ул депутатларга шәһәр Советының 2026 елга шәһәр милкендәге мөлкәтне хосусыйлаштыруның фаразлау планы турындагы карарына үзгәрешләр кертте.
Калган өч мәсьәлә буенча Михаил Ксенофонтов чыгыш ясады. Сүз «Шәһәр Советы депутаты статусы турындагы нигезләмәне раслау хакында»гы һәм «Шәһәрдә гражданнар җыенын әзерләү һәм уздыру тәртибе турындагы нигезләмә хакында»гы шәһәр Советы карарларына үзгәрешләр кертү турында барды. Моннан тыш, депутатларга шәһәрдә территориаль иҗтимагый үзидарә Уставына үзгәрешләр кертү турындагы карар проектын тәкъдим иттеләр.
Көн тәртибенең барлык пунктлары буенча депутатлар бертавыштан раслау карарлары кабул иттеләр.
Нет комментариев