Муниципалитетта узган аппарат киңәшмәнең төп темалары – Җиңү көнен бәйрәм итүгә әзерлек, 2021 елда Чистай үзәк район дәваханәсенең эш йомгаклары, агросәнәгать комплексында эшләрнең торышы һәм атналык оператив хәл.
Аны Чистай муниципаль районы башлыгы Дмитрий Иванов алып барды.
Кадрлар белән тәэмин итү мәсьәләсе актуальлеген югалтмый
Чистай үзәк район дәваханәсенең узган елдагы эш нәтиҗәләре турында районның баш табибы Рәис Мостафин сөйләде. 2021 ел яңа коронавирус инфекциясе таралуга юл куймау буенча нәтиҗәле чаралар күрүдән башланды. Бу, барыннан да элек, вакцинация. Аны уңышлы үткәрүгә күп көч, чаралар һәм кеше ресурслары сарыф ителгән. Халыкны вакцинацияләү һәм ревакцияләү эше дәвам итә.
Узган елда туучылар саны кимү темпларының сизелерлек кимүе билгеләп үтелде. Чистай перинаталь үзәгендә 897 сабый туган. Бала табарга читтән килүчеләр өлеше арткан, бу коллектив эшенең халык тарафыннан югары бәяләнүе, Чистай бала тудыру йортының башка районнарны һәм төбәкләрне җәлеп итәрлек һәм көндәшлеккә сәләтле булуы турында сөйли.
Үлүчеләр санының гомуми структурасында кан әйләнеше системасы авыруларыннан вафат булучылар өстенлек итә. Яман шештән үлүчеләр саны 100 мең кешегә 130,5 күрсәткеченә кадәр кимегән, 2020 елда ул – 166, 2019 елда 194,4 тәшкил иткән.
Бүгенге көндә кадрлар белән тәэмин итү мәсьәләсе актуаль булып тора. Апрель ае торышына Чистай үзәк район дәваханәсендә 1 374 хезмәткәр эшли. Табиблар белән тәэмин ителеш 45,1 процент тәшкил итә. Табибларның уртача яше – 50 яшь.
Язгы кыр эшләре бара
Агросәнәгать комплексында эшләрнең торышы турында авыл хуҗалыгы һәм азык-төлек идарәсе башлыгы Александр Ромадановский сөйләде. Узган атнада 358 тонна сөт җитештерелгән. Якынча 11 миллион сумлык 344 тонна сатылган. Сөтнең уртача бәясе бер литр өчен 32 сум. Узган атнада 46 баш бозау туган.
Узган атна кыр эшләрен үткәрү өчен уңайлы булган. Хуҗалыклар барлык агрочараларга керешкәннәр. Күпьеллык үләннәрне һәм уҗым культураларын беренче тукландыру төгәлләнгән. Чәчү эшләре актив фазага керә. 20519 гектарда чәчелгән, бу фаразланган мәйданнарның 32 процентын тәшкил итә.
6 кеше тиешле булмаган урында тәмәке тарткан өчен тоткарланган
Оператив хәл турында Россия Эчке эшләр министрлыгының Чистай районы буенча бүлеге башлыгы урынбасары Сергей Атуров хәбәр итте. Бер атна эчендә җинаятьләр турында 17 хәбәр теркәлгән. Сводкада – 9 урлашу, 6 мошенниклык, ялган акча, административ күзәтчелекне бозу очраклары.
16 юл-транспорт һәлакате теркәлгән, аларда 2 кеше зыян күргән. Җәяүлене бәрдергән. Юл хәрәкәте кагыйдәләрен бозган өчен 244 кеше тоткарланган.
Административ хокук бозулар өчен 297 кеше тоткарланган, аерым алганда, җәмәгать урынында исерек хәлдә күренгән өчен – 8, билгеләнмәгән урыннарда тәмәке тарткан өчен – 6, тынычлыкны бозган өчен – 1.
Җиңү көнен лаеклы каршы алырга
Соңыннан муниципаль район башлыгы Бөек Ватан сугышында Җиңү көнен бәйрәм итүгә әзерлек темасын кузгатты. Дмитрий Алексеевич ветераннарны кайгыртуга аерым игътибар бирергә кушты. Шулай ук ул җаваплы затларга шәһәрне булачак бәйрәмгә бизәү, аның территориясен чүп-чардан чистарту буенча кисәтүләр ясады.
Нет комментариев