Агымдагы ел башыннан Чистай юлларында 206 кеше иминлек каешын эләктермәгәне өчен җаваплылыкка тартылган
16 февральдән 1 мартка кадәр Чистай районында «Иминлек каешы» оператив-профилактика чарасы уза. Бу хакта Чистай районы буенча Дәүләт автоинспекциясе бүлегендә хәбәр иттеләр.
Операциянең төп максаты – машина йөртүчеләр һәм пассажирларның иминлек каешын эләктермәү белән бәйле хокук бозуларны кисәтү һәм булдырмау.
– Иминлек каешы юл-транспорт һәлакәтендә үлем яисә авыр имгәнүләр алу куркынычын киметә, – дип ассызыклады Чистай районы буенча Дәүләт автоинспекциясе бүлеге начальнигы Дмитрий Зинин. – Шуңа күрә автомобильдә булганнарның барысы да, нинди утыргычта баруларына карамастан, һичшиксез, иминлек каешын эләктерергә тиешләр. Бу бигрәк тә балаларга кагыла.
Кисәтү чараларының актуальлеген статистика раслый: 2026 ел башыннан район юлларында иминлек каешын эләктермәгәне өчен 206 кеше җаваплылыкка тартылган инде.
Г. Гомәрова фотосы
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев