Татарстанда яңа уңышның беренче тонналары сыйфатка тикшерү үтте

Федераль үзәкнең Татарстан филиалы белгечләре яңа уңыш уҗым бодаеның беренче партиясен тикшерделәр. Алар үрнәкне ТР Чүпрәле районыннан китерелгән 94 тонна бодайдан алганнар.

Лабораториядә бодайны барлык төр күрсәткечләрне – аксым күләмен, дымлылыгын, корткычлар белән ни дәрәҗәдә зарарлануын кертеп тикшерделәр. Экспертиза нәтиҗәләре ашлыкның югары куллануга ярашлы булуын расладылар һәм рәсми рәвештә өченче класс бирделәр.

Үзәк белгечләре көн саен сынау алу һәм аны тикшерүгә җибәрү өчен муниципаль районнарга бодай саклану урынына, складларга һәм кырларга чыгалар.

Быелгы сезонда республикада бодай бөртеклеләрнең гомуми күләменнән 2,2 миллион тоннадан да ким булмаска тиеш. Бу тулаем җыюны үзәкнең җирле филиалында тикшерергә планлаштыралар. Урып-җыю кампаниясе төгәлләнүгә кадәр экспертлар 4,5 мең бодай үрнәген сайлап алырга һәм 86 меңнән артык тикшерү үткәрергә исәплиләр.

Чыганак: “Татар-информ”