Татарстан омбудсмены балалар өчен комендант сәгате турында искә төшерде

Татарстанда балигъ булмаганнар өчен комендант сәгате гамәлдә булуы хакында бүген “Татар-информ”да матбугат конференциясендә Татарстан Республикасында бала хокуклары буенча вәкаләтле вәкил Светлана Захарова сөйләде

- 2010 елдан бирле республикада комендант сәгате гамәлдә булуын искә төшерәсе килә. Чикләүләр 22.00 сәгатьтән алып иртәнге алтыга кадәр, ә җәйге чорда 23.00 сәгатьтән гамәлдә. Бу вакытта балалар өлкәннәрдән башка урамда булырга тиеш түгелләр. Җаваплылык әти-әнигә йөкләнгән. Исегезгә төшерәбез, тәрбия мәсьәләсендә әти-әни җаваплы. Балалар төнлә йокларга тиешләр, – дип ассызыклады Татарстанда бала хокуклары буенча вәкаләтле вәкил.

Чыганак: “Татар-информ”