Район башлыгы «Мәктәпкә җыенырга ярдәм ит!» акциясе турында хәбәр итте һәм «Рок-берега» фестиваленә чакырды

Муниципаль район башлыгы Дмитрий Иванов атналык аппарат киңәшмә үткәрде. Анда 2025 ел өчен «Форпост» яшьләр хокук саклау хәрәкәте эше, АПК эшләре торышы, узган атна өчен оператив хәл каралды.

Киңәшмә яңа билгеләүдән башланды. 3 августтан район башкарма комитетының оештыру бүлеге начальнигы итеп Гөлия Самат кызы Гатина сайланды. Дмитрий Иванов аны җыелучыларга тәкъдим итте, эшендә уңышлар теләде.

Форпост – яшь буын өчен ышанычлы калкан

«Форпост» яшьләр хокук саклау хәрәкәтенең эш нәтиҗәләре турында аның җитәкчесе Җасмина Саутина сөйләде. «Форпост» үзәге яшьләрне патриотик тәрбияләүгә һәм хокук бозуларны кисәтүгә юнәлдерелгән. Эшләр интерактив күргәзмәләр, батырлык дәресләре, хәрби-спорт ярышлары, иҗади конкурслар һәм хокукый ликбезлар аша алып барыла. Алар гражданлык җаваплылыгын һәм сәламәт яшәү рәвешен формалаштыра.

Үсмерләрне әлеге эшкә күбрәк итеп тарту өчен уку йортлары белән хезмәттәшлек ныгытыла.

Форпостлар полициягә күләмле чараларда тәртип саклауда һәм СВО сугышчыларына һәм шефлыкка алган Лисичанск шәһәренә гуманитар ярдәм җыюда булышалар. Комплекслы якын килү системалы кисәтүне һәм яшьләрне эшчәнлекнең социаль әһәмиятенә җәлеп итүне тәэмин итә.

Урып-җыю темплары арта

Авыл хуҗалыгы һәм азык-төлек идарәсе начальнигы Александр Ромадановский районның аграр секторындагы вәзгыять турында хәбәр итте. Соңгы атна эчендә авыл хуҗалыгы предприятиеләре 428 тонна сөт җитештерделәр. 12 миллион сумга 407 тонна сөт сатылды. Сатуның уртача бәясе – бер килограмм өчен 30 сум 50 тиен. Хуҗалыклар көтүлекләрнең киләчәге турында да онытмыйлар: 69 бозау алынган.

Үсемлекчелектә урып-җыю темплары арта. Бүгенге көнгә фаразланган мәйданчыкларның 33 процентында суктыру эшләре башкарылган (9 мең гектардан артык), уртача уңышлылык гектарыннан 42,2 центнер булганда бөртеклеләрнең тулаем җыемы 40 мең тоннага җиткән.

Уҗым рапсын җыю 37 процентка үтәлгән, гектарына 29,6 центнер уңышлылыкта 2618 тонна суктырылган, 900 гектар җир эшкәртелгән.

Бары товар максатларында гына бәрәңгене казу башланды. 140 гектар (7 процент планнан), 3,5 мең тонна бәрәңге җыелган, уңышлылык гектарына 350 центнер тәшкил итә.

Игенчеләр уҗым культураларын чәчәргә әзерләнәләр, «Закамье-Агро», « Чистопольская» агрофирмасы бу эшкә керештеләр инде.

Параллель рәвештә азык әзерләү бара, сенаж буенча план күрсәткечләре үтәлгән – мең тонна сенаж әзерләнгән, печән буенча план 42 процентка арттырып үтәлгән. 7 мең 300 тонна печән әзерләнгән.

2 машина йөртүче руль артында исерек килеш тоткарланган

Оператив мәгълүматларны Россия эчке эшләр министрлыгының Чистай районы буенча бүлек начальнигы урынбасары Антон Ерашов тәкъдим итте. Бер атна эчендә район территориясендә 5 җинаять теркәлгән, шул исәптән 2 урлау, мошенниклык, наркотик чараларны 2 законсыз сатып алу һәм саклау факты теркәлгән.

Юлларда 12 юл-транспорт вакыйгасы килеп чыккан, аларда 4 кеше имгәнүләр алган, шуларның берсе балигъ булмаган бала. ЮХИДИ хезмәткәрләре 82 юл йөрү кагыйдәләрен бозучыны җаваплылыкка тарттылар, 2 машина йөртүче автомобиль белән исерек хәлдә идарә иткән өчен тоткарланган. Барлыгы бер атна эчендә 107 кеше җинаять җаваплылыгына тартылган.

Утырышның йомгаклау өлешендә район башлыгы Дмитрий Иванов Чистай районында яшәүчеләрне ел саен үткәрелә торган «Мәктәпкә җыенырга ярдәм ит!» хәйрия акциясендә катнашырга чакырды. Ул әлеге акциядә катнашу – үсеп килүче буын турында кайгырту мөмкинлеге, шулай ук күпбалалы һәм аз керемле гаиләләргә балаларын уку елына артык финанс авырлыкларыннан башка әзерләргә ярдәм итү дип ассызыклады.

Моңардан тыш, Дмитрий Алексеевич, барлык тере музыка һәм актив ял яратучыларны күптән көтелгән «Рок-берега» фестиваленә чакырды. Күләмле музыкаль вакыйга бу шимбәдә узачак һәм шәһәрлеләр һәм Чистаебыз кунакларына энергия һәм яхшы кәеф бүләк итеп, җәйнең иң якты, матур истәлеге булып калачак.