Донбасста һәлак булган балаларны Чистайда искә алдылар

Балаларны – Донбасстагы сугыш корбаннарын искә алу көненә Чистай социаль хезмәт күрсәтү йортында мемориаль акция узды. Очрашуда катнашучылар кораллы конфликтларның яклаучысыз калган корбаннары – гомерләре бик иртә өзелгән малайларны һәм кызларны искә алып шәмнәр кабыздылар.

Акция символы агач ботакларына куелган кәгазь фәрештәләр һәм ак күгәрченнәр булды. Фәрештәләр чиста, якты бала күңелен, ә күгәрченнәр кешелекнең гасырлар буе тынычлыкка, баш очында аяз күккә омтылышын чагылдыралар. Катнашучылар кулы белән ясалган һәр фигура йөзләрчә Донбасс балаларының фаҗигале язмышын кабат искә төшерде...

Җыелучылар һәлак булучыларны бер минут тынлык белән искә алдылар. Тынлыкта шәмнәр дә яктырак янды сыман, алар бүгенге көнне безнең арада булмаучылар белән тоташтырды сыман...

“Балалар көләргә һәм тыныч дөньяда яшәргә тиеш!” – әлеге кискен сүзләр бу акциянең төп шигаре булды. Ул киләчәк буыннар сугыш газапларын күрмәсен, илебездә тынычлык урнашсын дигән өндәү һәм ышаныч булып яңгырады.