Дин әһеле һәм һава-десант гаскәрләре ветераннары Чистай үзәк дәваханәсенең яшь пациентлары янында булдылар

Изге традицияләрне дәвам итеп, Һава-десант гаскәрләре көнендә руханилар һәм ветераннар хәрәкәте вәкилләре Чистай үзәк дәваханәсенең педиатрия бүлегендә булдылар. Кечкенә пациентлар белән очрашу җылы, тату мохитта узды.

Балалар янына кунакка Сергий Радонежский хөрмәтенә төзелгән гыйбадәт йортының өлкән побы иерей Тимофей Маташов, ветераннарның «Сугышчан батырлык» Бөтенроссия җәмәгать оешмасы Чистай районы бүлеге рәисе Рәфис Мәхмүтов, шулай ук һава-десант гаскәрләре ветераннары килде.

Кунаклар яшь тыңлаучыларга һава-десант гаскәрләрендә хезмәт итү, батырлык, десант туганлыгының данлы традицияләре турында сөйләделәр. Балалар зур кызыксыну белән бирелеп тыңладылар, сораулар бирделәр һәм әңгәмәдә актив катнаштылар.

Үз чиратында иерей Тимофей һәм Рәфис Ирек улы медицина хезмәткәрләренә көндәлек хезмәтләре, кечкенә пациентларга күрсәткән кайгытулары өчен ихлас рәхмәтләрен белдерделәр.

Өлкән поп аларга тизрәк савыгуларын һәм рухи ныклык теләде.

Балалар үзләренә шатлык бүләк иткән һәм вакытлыча гына булса да дәваханә тормышыннан онытылып торырга ярдәм иткән уенчыклар һәм тәм-томнар алдылар.

Оештыручылар мондый очрашуларның традициягә әверелүләрен һәм киләчәктә дә дәвам итәселәрен билгеләп үттеләр.