Чистайлылар балалар товарларының, мәктәп кирәк-яракларының сыйфаты мәсьәләләре буенча «кайнар линия»гә мөрәҗәгать итә алалар

Яңа уку елы алдыннан Роспотребнадзорның Татарстан Республикасы буенча идарәсенең Чистай территориаль бүлеге гражданнарга тематик консультация бирә башлый.

2026 елның 10 августыннан 21 августына кадәр ата-аналар балалар өчен товарларның, мәктәп формасының, букчаларның, канцелярия кирәк-яракларының һәм башка товарларның сыйфаты һәм куркынычсызлыгы турында сораулар бирә алачак.

Роспотребнадзор белгечләре балалар продукциясенә таләпләрне ачыкларга ярдәм итәчәк, мәктәп кирәк-яракларын сайлаганда нәрсәгә игътибар итәргә кирәклеген сөйләячәк һәм сыйфатсыз яки куркыныч товарлар сатып алудан ничек сакланырга икәнен өйрәтәчәк.

Консультацияләр берничә форматта узачак:

Тәүлек әйләнәсе – федераль хезмәтнең Бердәм консультация үзәгендә 8-800-555-49-43 телефоны буенча (шалтырату бушлай).

Көн саен 9дан 17 сәгатькә кадәр (ял һәм бәйрәм көннәреннән тыш, төшке аш 12дән 13 сәгатькә кадәр) – Кулланучылар өчен консультация үзәгенең «кайнар линия» телефоны буенча: (843) 221-90-16.

Эш көннәрендә – 8(84342) 5-50-44 телефоны буенча Роспотребнадзор идарәсенең Чистай территориаль бүлегендә:

дүшәмбе-пәнҗешәмбе: 8дән 16 сәгать 45 минутка кадәр;

җомга көнне: 8дән 15 сәгать 35 минутка кадәр;

төшке аш: 12дән 12 сәгать 45 минутка кадәр.

Фото ясалма фәһем ярдәмендә ясалды

Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз