Чистайда Балалар китапханәсендә ачык һавада курчак спектакле булды

«Татарстанда җәй» республика проекты кысаларында Балалар китапханәсенең яшь укучылары өчен гадәти булмаган курчак спектакле күрсәттеләр.

 Биредә тынчу зал урынына – яшел болын, ә тамашачылар урынына актив укучылар булды.

«Песи һәм Төлке» рус халык әкияте буенча әзерләнгән интерактив тамаша балаларны сюжеты һәм күңелле музыкаль номерлары белән әсир итте. Биредә иң күңеллесе – балаларның вакыйгалар эчендә үзләре дә катнашуы булды: һәрбер бала үзе яраткан персонаж образына кереп, алдан әзерләнмәгән постановканың автордашы була алды. Шат көлү авазлары һәм алкышлар китапханә ишегалдының бер сәгатькә чын театрга әверелүен раслады.

 Фото социаль челтәрдән «Балалар китапханәсе. Чистай» битеннән алынды