«Чиста кырлар» тыюлыгы хезмәткәрләре Чистайның яшь кешеләре белән эко-очрашу уздырдылар

«Чиста кырлар» табигый тыюлыгында   кызлар өчен  экологик- агарту  очрашуы узды.   Сакланылучы территория хезмәткәрләре      безнең якларда үсүче  үләннәргә акцент ясап,   тыелган  зонадагы  үсемлекләрнең  төрлелеге хакында сөйләделәр.

Теорияне шунда ук практика белән дә  ныгыттылар: катнашучылар  үләннәр белән таныша алдылар, аларны яфраклары  буенча аердылар, хуш исәреннән  таныдылар. Мондый алым кызларга  һәрбер үләннең үзенчәлеген  истә калдырырга  ярдәм итте.

Очрашу иҗади мастер-класс белән тәмамланды.  Һәрбер кунак үзенә  истәлек бүләге ясады: индивидуаль  үлән чәе җыйды һәм хуш исле үләннәрдән һәм диңгез тозыннан ванна өчен кечкенә  капчык әзерләде.

«Без  балалар  табигатьне  картинкалар аша гына түгел,  шәхси сиземләүләр аша яратсыннар дип тырышабыз. Болай иткәндә белемнәр дә җанлырак булган кебек», – дип сөйләде  тыюлык белгече Регина Биктаһирова.

Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз