2027 елда эш һәм ял көннәре билгеле булды

2027 елда  атнасына биш көн эшли торган хезмәт кешеләре эш урыннарында 247 көн үткәрәчәкләр. 118 ял һәм бәйрәм көннәре булачак. ТАССтан производство календаренең шундый проекциясе белән  “Белем” Россия җәмгыятенең  персонал эшләре буенча департамент директоры  Маргарита Богданова-Шемраева  уртаклашты.

Эксперт ачыклаганча,  алдагы елда  россиялеләрне  4  кыскартылган бәйрәм алды көннәре көтә.  Россиялеләр 20 февраль, 30 апрель, 11 июнь һәм 3 ноябрь көннәрендә гадәти эш көннәреннән бер сәгатькә кыскарак эшләячәкләр. Әлеге  даталар турыдан-туры   рәсми дәүләт бәйрәмнәре алдына туры килә.

2027 елның 20 феврале производство  графигында  шимбәгә туры килүенә карамастан,  эш көне дип исәпләнә. Ял көнен  дүшәмбегә 22 февральгә күчерү планлаштырыла. Шулай итеп, россиялеләр  өч көн – 21еннән 23 февральгә кадәр ял итәчәкләр.