Конкурс яңа исемнәр ачты

Анда гомуми белем бирү уку йортларының йөздән артык укучысы һәм педагогы катнашты. Конкурсның максаты - иҗади потенциалны үстерү, һөнәри осталык, халык кәсепчелеге белән кызыксыну.

Номинацияләр җитәрлек иде, һәркем үзен кызыксындырган юнәлешне сайлый һәм үз талантын күрсәтә алды. Болар батик һәм чигү үрнәкләре, кәгазь пластика һәм агачка уеп ясау, пыялага рәсем төшерү һәм табигый материаллардан әйберләр ясау, бәйләү һәм бисер белән үрү һәм күп кенә башкалар. "Костюм" номинациясендә балалар эшләрен үзләре күрсәттеләр.

9 нчы мәктәптән Анастасия Крайнова, 1 нче лицейдан Александра Кузьмина, 2 нче гимназиядән Сафия Мирсияпова, Чуваш Ялтаны мәктәбеннән Елена Кириллова, Чистай Выселкасы мәктәбеннән Наталья Главнова, балалар һәм яшүсмерләр иҗат йортыннан Юлия Самаркина, 7 нче мәктәптән Денис Севастьянов һәм укытучылар төркеме осталык һәм талант өчен җиңүчеләр дипломнары белән билгеләп үтелделәр. Чара барышында хуҗалар һәм сәнгать мәктәбе укучылары әзерләгән концерт номерлары яңгырады.