Район башлыгы Дмитрий Иванов «Мәктәпкә җыенырга ярдәм ит!» республика акциясендә катнашты

Тиздән яңа уку елы башланачак. Гадәткә кергәнчә, Белем көне алдыннан республикада «Мәктәпкә җыенырга ярдәм ит!» хәйрия акциясе уза. Чистайлылар бу кампаниягә быел да актив кушылдылар. Муниципаль район башлыгы Дмитрий Иванов акциягә старт бирде. Ул Михайловлар гаиләсендә кунакта булды, яшь укучыларга букчалар һәм уку кирәк-яраклары тапшырды.

— Миша белән Лизаны чын күңелемнән якынлашып килүче уку елы белән котладым! — дип язган Дмитрий Алексеевич үзенең социаль челтәрендәге битендә.