Чистай районы башлыгы Яңа елга биналарны бизәргә һәм эшләрне тәмамларга кушты

Меңнән артык кеше “Исцеление” үзәге аша үткән
“ Исцеление” муниципаль автоном учреждениесе эше турында аның җитәкчесе Юрий Бочкарев хәбәр итте. Татарстан Республикасы бюджетыннан субвенция хисабына финансланучы әлеге учреждение 2010 елда бетерелгән медицина айныткычының дәвамчысы буларак эшли. Ул шул ук бинада урнашкан. Аның матди базасында китерелгән барлык кеше өчен кирәкле нәрсәләр, шулай ук душ та бар. Анда өч сәгатьән алып бер тәүлеккә хәтле торырга мөмкин.
“Исцеление” учреждениесе ашыгыч ярдәм станциясе һәм полиция белән хезмәттәшлек итә.
Узган ел учреждениегә 693 кеше китерелсә, быелның 11 аенда анда 407 кеше булып киткән.

Районда сөт җитештерү арта
Агросәнәгать комплексындагы эшләр турында авыл хуҗалыгы һәм азык-төлек идарәсе начальнигы Александр Ромадановский доклад белән чыкты. Район хуҗалыклары исәп-хисап атнасында 415 тонна сөт җитештергәннәр, бу узган атнадагыга караганда 6 тоннага күбрәк.

15,7 миллион сумга уртача бәясе 40 сумнан 394 тонна сөт сатылган. Бер сыерга 147 килограмм сөт туры килә. “Молко” һәм “Чурин” КФХсында иң күп сөт үсеше күзәтелә.
Көтүне яңадан үстерү буенча эш дәвам итә – бер атна эчендә 50дән артык бозау туган.

Техниканы кышкылыкка саклауга әзерлек төгәлләнгән һәм аның ремонты оештырылган: 7 трактор, 19 чәчкеч, 8 культиватор, 45 тешле тырма ремонтланган. Техниканы әзерләү дәрәҗәсе тракторлар буенча 59 процент, чәчкечләр буенча 65 һәм культиваторлар буенча 63 процент тәшкил итә.

Тармак хезмәткәрләренең квалификацияләрен күтәрү буенча да системалы эш алып барыла.

Бер атна эчендә 8 җинаять һәм10 юл-транспорт вакыйгасы теркәлгән
Оператив сводканы Россия эчке эшләр министрлыгының Чистай районы буенча полиция бүлеге начальнигы урынбасары Антон Ерашов хәбәр итте. Бер атна эчендә район территориясендә 8 җинаять теркәлгән, шуларның ике мошенниклык, ике урлау, законсыз корал сату, компьютер мәгълүматына законсыз керү һәм сәламәтлеккә җиңелчә зыян салу. Юлларда 10 юл-транспорт вакыйгасы килеп чыккан, анда ике кеше зыян күргән. ЮХИДИ хезмәткәрләре юл йөрү кагыйдәләрен бозган 1905 кешене җаваплылыкка тарткан, шуларның икесе исерек хәлдә автомобиль белән идарә иткән. Барысы бер атна эчендә 134 кеше административ җаваплылыкка тартылган.

Башлык өстенлекләрне билгеләде
Утырыш азагында район башлыгы Дмитрий Иванов һәр мәсьәлә буенча төп моментларга акцент ясап йомгак ясады һәм киләсе атнага бурычларны билгеләде. Моңардан тыш, ул Яңа елга биналарны бизәүне оештыру кирәклегенә игътибарны юнәлтте һәм яңа елга чишелми калган бурычлар белән кермәү өчен агымдагы барлык эшләрне вакытында төгәлләүне сорады.