Белгеч вакцинация белән бәйле берничә киң таралган уйдырманы кире какты
Гриппка каршы прививка башка кискен респиратор вируслы инфекцияләрдән сакламый. Бу хакта Татарстан Республикасы Сәламәтлек саклау министрлыгының штаттан тыш баш эпидемиологы Дмитрий Лопушов белдерде.
Белгеч шулай ук вакцинация белән бәйле киң таралган берничә ялгыш фикерне кире какты:
Беренчедән, прививкадан соң кеше авырый. Лопушов сүзләренчә, бу алай түгел. Вакцинация, киресенчә, авырудан саклануны формалаштыра. Тискәре нәтиҗә, кагыйдә буларак, минималь һәм 1-2 көн дәвамында температураның кыска вакытка күтәрелүе белән чикләнә.
Икенчедән, бер ел узмаса, гриппка каршы вакцинаны яңадан ясатырга ярамый. Эпидемиолог бу ялгышуның куркыныч булуын ассызыклады: ел саен яңа штаммнардан саклану өчен яңартылган вакцина эшләнә һәм узган сезонда ясалган прививка актуаль вирусларга каршы тәэсир итми.
Өченчедән: прививка ясатуның файдасы юк, чөнки вирус мутацияләнә. Грипп мутацияләүче вирус, әмма анамнез нигезендә һәрвакыт актуаль штаммнар өчен яңа вакцина эшләнә.
Дүртенчедән, сәламәт кешегә прививка кирәкми.
Иммунитеты көчле булганнарга да грипп йога.
Чыганак: Татар-информ
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев