Чистай Роспотребнадзоры кисәтә: бәйрәм көннәрендә агуланмас өчен нәрсә эшләргә

Роспотребнадзорның Чистай районы буенча территориаль бүлек начальнигы Флюра Хәйруллина Яңа ел көннәрендә азык-төлек белән агулану куркынычын булдырмас өчен халыкка мөһим кисәтү белән мөрәҗәгать итте

1. Азык-төлекне сатып алу кагыйдәләре: маркировкасын тикшерегез

Төп кагыйдә – ярлыктагы мәгълүматны игътибар белән өйрәнегез

«Һәрбер азык-төлекккә яраклылык вакыты һәм саклану шартлары язылган. Азык-төлек сатып алганда моңа ныклы игътибар итегез», –дип ассызыклады Флюра Хәйруллина.

Тиз бозыла торган түбәндәге азык-төлеккә аерым контроль кирәк:

Казылык әйберләре

Кремлы кондитер әйберләре

Алар барысы да сатып алганда суыткычта булырга тиешләр. Мондый товарларны бүлмә температурасындагы витринадан сатып алырга ярамый.

2. Әзер ризыкларны һәм салатларны саклау кагыйдәләре

Диетологлар һәм санитар табиблар бердәм фикердә: бәйрәмгә әзерләнгән ризыкларның саклану вакыты катгый рәвештә чикләнгән.

Күпкомпонентлы салатлар (аеруча майонез һәм каймак белән) бәйрәм табынында 2 сәгатьтән дә артык торырга тиеш түгел. Шуннан соң аларны кичекмәстән суыткычка алып куярга кирәк.

Алдагы көндә әлеге салат калдыкларын яңа әзерләнгән салат белән бутарга ярамый – бу бактерияләр үрчүгә китерә.

3. Аеруча куркыныч ризыклар: кулинариядән әзер ризыклар

Роспотребнадзор белгече әзер ризыклар сатып алганда аеруча сак булырга чакыра.

«Әзер ризыклар – күпкомпонентлы салатлар, тавыктан әзерләнгән, ит ризыклары сатып алганда аеруча сак булырга кирәк. Саклану шартларын һәм саклану вакытын яхшылап карагыз», – дип билгеләп үтте Флюра Сәлим кызы.

Мондый продукцияләрне тикшерелгән, барлык санитар таләпләр үтәлгән урыннардан гына сатып алыгыз.

4. Кухняда иминлекне саклау өчен гади кагыйдәләр

Бәйрәм күңелсезлеккә әверелмәсен өчен, төп гигиена кагыйдәләрен үтәгез:

Әзерләр һәм ашар алдыннан кулларыгызны яхшылап юыгыз.

Яшелчәләрне, җиләк-җимешне барысын да әйбәтләп юыгыз.

Чи һәм әзер ризыкларны тураганда аерым такталар һәм пычаклар кулланыгыз.

Саклануның дөрес температура режимын үтәгез.

Артык күп ашамагыз – бу организмга өстәмә авырлык тудыра.

Шушы гади генә кагыйдәләрне үтәү – сезгә һәм гаиләгезгә бәйрәмне имин, күңелле үткәрүнең нигезе булып тора.

Г. Хәйруллина фотосы