Чистай районында бер атна эчендә өч кешене талпан тешләгән
Бу күрсәткеч алдагы атна дәрәҗәсендә калган
13-19 апрель көннәрендә Чистай районы территориясендә өч кешегә талпан кадалган. Татарстан Республикасы буенча Роспотребнадзор идарәсенең җирле бүлегендә хәбәр итүләренчә, бу күрсәткеч алдагы атна дәрәҗәсендә калган.
Ведомство мәгълүматлары буенча, талпан кадалуның ике очрагы урман зонасында булган, тагын берсе – зират территориясендә.
Белгечләр чистайлыларга яшел зоналарга, паркларга һәм зиратка барганда саклык чаралары күрергә кирәклеген искәртәләр. Репеллентлар кулланырга, ябык кием кияргә һәм йөреп кайтканнан соң үзегезне һәм бер-берегезне карау үткәрергә киңәш ителә.
Кадалган талпан табылганда, аны чыгару һәм алга таба лаборатор тикшерү өчен кичекмәстән медицина ярдәме сорап мөрәҗәгать итәргә кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Район тормышына кагылышлы иң мөһим яңалыкларыбызны «Чистополь-информ» Telegram-каналыбызда да укыгыз
Нет комментариев